মোৰ ব্যবসায়ৰ সফলতাৰ আৰঁৰ দুটামান কথা

কাজুবাদাম পেকেজিং কৰা মোৰ সৰু উদ্যোগ এটা আছে। কাজুখিনি কিনি আনি ঘৰতে পেকেজিং কৰি বজাৰলৈ উলিয়াই দিও।লাভ নোহোৱা নহয়। কিন্তু কর্মচাৰীসকলে পেকেজিং কৰোতে বহু কাজু খাই মোৰ প্ৰতি মাহে মোটা অংক এটা উদৰস্হ কৰে। কিমাননো তাহতক চাই থাকিব! তাৰোপৰি কর্মচাৰীসকলে পেকেজিং কৰোতে গোগ্ৰাসে কাজু খোৱাৰ ফলত সিহঁতৰ পেট চলি যায়। আৰু পায়খানালৈ অহা যোৱা কৰোতেই কেতিয়াবা দিনটোৰ অর্ধেক সময় পাৰ হৈ যায়।
এই সমস্যাৰ পৰা পৰিত্ৰাণ পাবলৈ এবাৰ গোটেই কর্মচাৰীকেইজনক চাকৰিৰ পৰা খেদাই দিলো। তাৰ পাছত বাতৰি কাকতত বিজ্ঞাপন এটা দিলো এনেদৰেঃ
"যোৰহাটৰ এটা পেকেজিং কোম্পানীত কাম কৰিবৰ বাবে চল্লিশ বছৰৰ উদ্ধৰ দাত নাইকীয়া সোলা ব্যক্তিৰ আৱশ্যক হৈছে। উপযুক্ত দৰমহা আৰু আন সা সুবিধা প্ৰদান কৰা হব।"
পাছদিনাই ১০জনমান সোলা ব্যক্তি পাই গলো। আৰু নিযুক্তি দি দিলো।
দাত নথকাৰ বাবে লোভ থাকিলেও সিহতে কাজু খাব নোৱাৰা হল। তাৰোপৰি তাহতক সম্পূর্ণ বিশ্বাসত নলৈ প্ৰতিদিনে পূৱা আৰু গধুলি প্ৰতিজনকে কাপোৰ কানি খুলি WEIGHT কৰো।WEIGHT কৰোতে পূৱাৰ WEIGHTতকৈ যদি গধূলিৰ WEIHT বেছি পাও তেনেহলে তাৰ সেইদিনাৰ দৰমহা কাটি দিও।
চিষ্টেমটোৱে কাম দিলে। আজিকালি ব্যৱসায় বৰ ভাল মোৰ।