কবিতা - পানীৰ তলৰ কাইট

বিছাটোক সুধিলোঃ শুং এডাল দিয়া। বিছাটোৱে দিলে।
মানুহক মই ডাকিব পৰা হ'লো।
জোকটোক সুধিলোঃ
দাতকেইটা দিয়া।
জোকটোৱে দিলে।
মানুহৰ তেজ পীব পৰা হ'লো।
বান্দৰটোক সুধিলোঃ
গুণ এটা দিয়া।
বান্দৰটোৱে দিলে।
বান্দৰালি কৰিব শিকিলো।
কান্দুলী মাছক সুধিলোঃ
জপিয়াবলৈ শিকোৱা।
কান্দুলীয়ে শিকালে।
কান্দুলীৰ দৰে লুটিবাগৰ
মাৰিব শিকিলো।
গোলাপজোপাক সুধিলোঃ
কাঁইট এডাল দিয়া।
গোলাপে দিলে।
আৰু মই
পানীৰ তলৰ কাইট হ'লো।