পৰাগৰেণু

'পৰাগে' 'ৰেণু'ক বিয়া কৰোৱাৰ পাছৰে পৰা ধেমালিতে সিহঁতৰ নাম 'পৰাগৰেণু' বুলিয়েই জনাজাত হ'ল। সিঁহতৰ সন্তানৰ নাম চকুচৰহা মানুহে কিয়নো 'কলী' ৰাখিলে এই কথা নাম ৰখাবোৰেহে জানিব।তথাপিতো ইমান ধুনীয়া ছোৱালীজনীৰ নাম 'কলী' ৰাখিব লাগেনে বাৰু? যি কি নহওক 'কলী'য়ে কিন্তু নিজৰ নামৰ ক্ষেত্ৰত হোৱা অভিজ্ঞতাৰপৰা শিক্ষা লৈ নিজৰ জীয়েকৰ নাম বহুতো ভাৱি গুনি 'ফুল' ৰাখিলে।নিজা সৌন্দর্যৰে 'ফুল' বিখ্যাত হ'ল। 'ফুল'ৰ পুত্ৰ সন্তানৰ নাম 'ফল'। এই নামটোও 'ফুলে' নিজেই দিছিল। 'ফল'ৰ পুতেক বীজ হোৱালৈ 'ফুল' সিফলীয়া হ'ল। নাতিনীয়েকৰ মুখ চোৱাৰ হেপাহখিনি 'ফুল'ৰ কোনোদিন নহ'ল।