টকা এশ আৰু অপমানৰ পৰা ৰেহাই

:মোক টকা এশ দিয়ক। মই আপোনাক অপমানিত হোৱাৰ পৰা বচাম।
:কিনো? কথাটো কোৱাচোন।
:বিশ্বাস নকৰে যদি নালাগে। আৰু মই ডাঠি ক'ব পাৰো আপুনি অপমানিত হ'বই আজি।
:ছেঃ খেলিমেলি লগাই দিলা তুমি।
খুলি কোৱাচোন আগতে।
:আগতে টকা শ দি লওক।
:এহ কি বুলি বিশ্বাস
কৰিম তোমাক?
:মোৰ কথা মিছা হলে টকা ঘুৰাই দিম!
:লোৱা, লোৱা। এতিয়া কোৱা, কথাটো কি?

প্ৰিয় ৰাইজ,
আজি আবেলি মোৰ হাতত টকা নাছিল। তেনেতে দোকানৰ গাদীত মাৰোৱাৰী এজনক বহি থকা দেখিলো। ওপৰৰ কথাখিনি মাৰোৱাৰীজন আৰু মোৰ কথোপকথনহে দেই।
মাৰোৱাৰীটোৰ পৰা টকা শ লৈ তাক কলোঃ "পেন্টৰ চেইনডাল মাৰি লওক। মোৰ দেৰী হৈছে। যাও এতিয়া"। গুপগুপকৈ ওলাই আহিলো।