কানি ফাটিলে যদি ফটাকানি হয় তেন্তে সেই কানি আগতে অসমীয়া মানুহে কিয় খাইছিল?
দুৱাৰদলিত যদি দলি চপৰা নাথাকেই তেন্তে দুৱাৰদলি কিয় হ'ল?
অ' নামৰ ফলটো মৰিলে যদি অমৰা হয় তেনেহলে সেই অমৰা আমি কিয় খাব লাগে?
বাইচাইকেলখনতো অকল বাই'য়েই নচলায়? পিতায়েও চলায় দাদায়েও চলায় ভাইয়েও চলায়। তেনেহলে কিয় অকল বাইৰ নামত হ'ল?
ৰেফ্ৰিজাৰেটৰৰ ভিতৰততো খেল অনুষ্ঠিত নহয়? তেন্তে কিয় তাত ৰেফ্ৰি থাকিব লাগে?
নাৰিকলগছে কলবোৰ কিয় কেৱল নাৰীৰ বাবে সাচি ৰাখে?
দুবৰীজোপা কবিৰাজ নেকি বৰি দিবলৈ?
কাঠআলুৰ কাঠেৰে আচবাব সাজিব নোৱাৰি কিয়?
জাতিলাওবোৰৰ যে জাতি থাকে আনবোৰ পাচলিৰ নাথাকে কিয়?
পুখুৰীত থকা খুৰীজনীয়েই জলকুৱঁৰী নেকি?
পানীপোতাত যদি পানী পুতিয়েই থোৱা হয় তেন্তে পানীপোতা খান্দিলে পানী নোলায় কিয়?
পেন্সিল ডালত কোনবোৰ পেন চীল কৰি থোৱা হয়?
গাজৰৰ গাত সদায় জ্বৰ উঠি থাকেনেকি?
বিচনাচাদৰখন বিচনাত পাৰে বাবেই মহিলাই সেইখন চাদৰ নিপিন্ধে নেকি?
চামোচখনে যেতিয়াই তেতিয়াই কিয় নিজৰ মোচকোচা চাবলৈ কৈ থাকে?
No comments:
Post a Comment