গ্ৰেমেটিকেল ৰুলমতে কুকুৰবোৰে কুকুৰাক বিয়া কৰাব
লাগিছিল। কিন্তু সিহঁত জাতৰ বাহিৰ নহল।আম'ৰ মিচেচৰ নাম আমলখি হ'ব
লাগিছিল।তাকো নহ'ল।জাহাজৰ ওপৰত জাহাজী কলবোৰ লাগিব লাগিছিল।ফেচাঁই ফেচু'ক
বিয়া কৰাব লাগিছিল।গাজৰ'ৰ গাজবোৰেৰে মানুহে খৰিছা বনাব লাগিছিল। কোনোবাই
কাৰোবাৰ ওচৰত আঠু লোৱা কার্য্যটোকহে আঠুৱা বুলি কব লাগিছিল।বেচন চেচন
নিদিয়াকৈ পিয়াজীটো কেৱল পিয়াজেৰে বনাব লাগিছিল।
গ্ৰেমেটিকেল ৰুলমতে জলকীয়া'ত জাল যদি
থাকেই তেনেহলে সেই জাল মাৰি নদীত মাছ ধৰিব পাৰিব লাগিছিল।বেঙেনাক বেঙে
প্ৰেমৰ প্ৰস্তাৱ দিব লাগিছিল। কুৱাঁৰ স্ত্ৰিলিংগ কুৱঁলী হ'ব লাগিছিল।আহাৰ
লবলৈ আহাৰ মাহলৈ মানুহ ৰৈ থাকিব লাগিছিল। মাটিকঠালবোৰ আলুৰ দৰে মাটিৰ তলত
লাগিব লাগিছিল।পত্নীৰ কথাত নাচি থকা পতিবোৰকহে নাচপতি বুলিব
লাগিছিল।কৃষ্ণচুড়া গছৰ চুড়াত শ্ৰীকৃষ্ণক বিছাৰি পাব লাগিছিল। আকাশৰ
হাতীপটিয়েদি হাতীবোৰ অহা যোৱা কৰিব লাগিছিল। এন্দুৰৰ এটা END ৰ পৰা সিটো
END লৈ বহু দূৰ হব লাগিছিল।আমাৰ গাৱঁৰ পৰাগ আৰু ৰেণু ফুলপাহৰ ভিতৰত একেলগে
সোমাই থাকিব লাগিছিল গ্ৰেমেটিকেল ৰুলমতে।
No comments:
Post a Comment